Senaryo sa Loob ng Pampasaherong Jeep

Marahil naranasan na ng halos lahat sa atin sa sumakay sa isang pampasaherong jeep. Pansinin ang mga sumusunod na senenaryo sa loob jeep.

1. Mabilis mapuno ang huling bahagi ng jeep dahil ayaw na siya ang mag-aabot sa driver ng pamasahe ng ibang pasahero.

2. Kapag no choice na siyang maupo sa unahan, agad na magbabayad at magkukunwaring tulog at hindi iaabot ang bayad ng ibang pasahero.

3. Kahit wala nang maupan dahil sa laki ng pwestong nasakop ng dambuhalang si kuya at si ate, pilit na pinapagkasya ni manong driver ang pasahero para di siya malugi.

4. Ang mga balat ng junk foods na kinain ay isinisiksik sa mga gilid ng jeep kahit na may nakikitang basurahan sa loob ng sasakyan.

5. Ang lakas manigarilyo ni kuya kahit kitang kita ang karatulang "NO SMOKING".

6. Kahit matagal ng nakahinto ang jeep at ilang hakbang na lang ang bababaan, hindi pa rin bababa si ate at maghihintay na muling tumakbo ang jeep saka papara kahit nakakatatlong ikot pa lang ang gulong ng jeep.

7. Ang mga mata ni kuya naghahanap ng mga masisilip na langit. Minsan Nagse-shade para hindi halata.

8. Si kuya wagas kung makaupo. Deadma kahit ipit na ipit na ang dalawang katabi dahil sa laki ng pagkabuka ng dalawang hita.

9. Siyempre hindi mawawala yung kahit maluwag ay gigitgitin ka ng dalawang lalaki na may dalang jacket. Kapag hindi matalas ang pakiramdam mo. sori na lang ang cellphone at wallet mo.

Yan ay ilan lamang sa mga pang-araw araw ng buhay ng mga commuters. PINOY nga naman. Magbago na po tayo.